යෝ ධම්මං ඵස්සති - සෝ මං ඵස්සති
යමෙක් නුවනින් ධර්මය දකීද, ( එනම් ධර්මය අවබෝධ කරයිද,) හෙතෙම මා දුටුවේ වෙයි.
යෝ මං ඵස්සති - සෝ ධම්මං ඵස්සති
යමෙක් නියමාකාරයෙන් මා දැක්කේ වේද - එසේනම් හෙතෙම ධර්මය ද දුටුවේ වෙයි.
බුදුන් වහන්සේ ලෝක සත්වයා කෙරෙහි අනුකම්පාවෙන් දේශනා කල ශ්‍රී සද්ධර්මය උන්වහන්සේගේ ගුරු තනතුරේ පවා තබාගනිමින් ලොවට දුන් ආදර්ශය වන්නේ ධර්මය නුවනින් අවබෝධ කරගැනීමේ ඇති වැදගත්කමයි. ඉහත දක්වා ඇති දේශනා පාඨය වක්කලී ස්වාමින් වහන්සේ අරබයා ලෝක සත්වයාගේ දැනගැනීම පිණිස බුදුන්වහන්සේ විසින් දේශනා කළා. මේ පාඨය අඩංගු වෙන්නේ සංයුක්ත නිකාය නම් වූ සුත්‍ර පිටක ග්‍රන්ථ රත්නයේ , ඛන්ධ සංයුක්තයේ , ථේර වග්ගයේ , වක්කලී සුත්‍රයේ යි. එහිදී බුදුන් වහන්සේ විසින් ඉතා පැහැදිලිව දේශනා කළා මේ කුණු ශරීරය පමණක් දැකුමෙන් කාටවත් පලක් නැති බව. බුදුන් වහන්සේව දකින්න අවශ්‍යනම් අප කලයුත්තේ උන්වහන්සේ විසින් දේශනා කල චතුරාර්ය සත්‍ය ධර්මය නුවනින් දැකීමයි. අවබෝධ කිරීමයි. බුදුන් වහන්සේ ව නියමාකාරයෙන් දකින කෙනා දකින්නේ ධර්මයයි. බුදුන් වහන්සේව නියමාකාරයෙන් දකිනවා කියන්නේ උන් වහන්සේව ගුණ වශයෙන් හඳුනාගෙන එක එක ගුණය පිළිබඳව අවබෝධයෙන් පැහැදීමට පත් වීමයි.
ඒ කියන්නේ ; අරහං, සම්මා සම්බුද්ධ, විජ්ජා චරණ සම්පන්න, සුගත, ලෝකවිදූ, පුරිස ධම්ම සාරථි, සත්තා දේව මනුස්සානං, බුද්ධෝ, භගවා යන මේ නව අරහාදී බුදුගුණ ඒවායේ අර්ථ සමඟ නුවනින් වටහා ගැනීමයි.
අප සමාජයේ බොහෝ පිරිසක් "ඉති පි සෝ භගවා" ගාථාව ඔහේ කියාගෙන යනවා. එකෙන් මොනවද කියන්නේ කියල අවබෝධයෙන් දැනගෙන කියන පිරිස හරි ම අඩුයි. බුදුන් වහන්සේගේ ගුණ විස්තර වශයෙන් හදාරන විට අපට හදාරන්න තියෙන්නේ ශ්‍රී සද්ධර්මය මයි. එක නිසයි උන්වහන්සේ දේශනා කලේ "යමෙක් මා දකීනම් හෙතෙම ධර්මය දුටුවේ වෙයි" කියල. එහෙම නැතුව බුදු පිළිමයක් දෙස හෝ ජීවමාන බුදු හිමියන් දෙස හෝ කොපමණ වෙලා බලා සිටියත් ධර්මය අවබෝධ වෙන්නේ නෑ. වක්කලී ස්වාමින් වහන්සේට උන්වහන්සේ දුන් අවවාදය එයයි. ඒ හරහා ලොවටම කියාදුන් පාඩම වන්නේ "ධර්මය දකින්න උත්සාහවත් වෙන්න" කියන එකයි.
බුදු පියාණන් වහන්සේ ජීවමානව වැඩ සිටින කාලයේ පවා උන් වහන්සේ තම ශ්‍රාවකයින්ට උපදෙස් දුන්නේ තමන් වහන්සේව දැකිය යුතු වන්නේ උන් වහන්සේ විසින් ලොවට දේශනා කල ශ්‍රී සද්ධර්මය තුලින්ම පමණක් බවයි. ධර්මාවබෝධය තුලින් තමන් වහන්සේව දකින ශ්‍රාවකයා තමන් වහන්සේගෙන් කොපමණ දුරකින් සිටියත් ඔහු තමන් වහන්සේ අසලින්ම සිටින්නකු බව උන්වහන්සේ දේශනා කළා. කෙනෙකු කොතරම් තමන් වහන්සේ අසලින්ම සිටියත්, නිරතුරුවම තමන් වහන්සේගේ සෙවනැල්ල මෙන් පසුපසින් පැමිණියා උනත්, ඔහු ධර්මාවබෝධය කරන්න උත්සාහ ගන්නේ නැත්තම් ඒසඳහා සිහිය, නුවන, වීර්ය යොදවා කැපවන්නේ නැත්තම් ඔහු තමන්වහන්සේ ගෙන් බොහෝ දුරස් බව බුදුන් වහන්සේ දේශනා කලා.
අද කාලයේ බොහෝ පිරිසක් දළදා මාලිගාව, දන්ත ධාතුන් වහන්සේ, රුවන් වැලි සෑය ආදී ස්ථූප, ශ්‍රී මහා බෝධීන් වහන්සේ, වෙනත් විවිධ ස්ථාන වල වැඩ හිඳින බෝධීන් වහන්සේලා, පිළිම වහන්සේලා, සර්වඥ ධාතුන් වහන්සේලා ආදී මෙකි නොකී සියලු පුජනිය, වන්දනීය ශාරීරික චෛත්‍ය, පාරිභෝගික චෛත්‍ය , උද්දේසික චෛත්‍යයෝ වන්දනාමාන කරන්නේ සැබවින්ම ශ්‍රද්ධාව පෙරටුකොටගෙන ද යනවග මහත් ප්‍රශ්නයකි. එය එසේ වන්නේ බොහෝ පිරිසක් බුදුන් වහන්සේව දකින්නට වෙර දරන්නේ ඉහත කි ස්ථාන වලට ගොස් ඉහලට අත් ඔසවා කරන හුදු වන්දනා මානවලින් පමණක් වීම නිසයි. ශාරීරික චෛත්‍ය, පාරිභෝගික චෛත්‍ය , උද්දේසික චෛත්‍යයෝ වන්දනා කිරීම උතුම් පුණ්‍ය ක්‍රියාවක් වන්නේ එය අවබෝධයෙන් කලොත් පමණයි. අනවබෝධයෙන් ඒවා දෙස බලා ගිරවෙක් මෙන් කටපාඩමෙන් ගාථා කියාගෙන ගියාට තමන්ගේ සසර දුකින් මිදීමට එය රුකුලක් වන්නේ නෑ. තවත් පිරිසක් බුදුන් වහන්සේව දකින්න උත්සාහ ගන්නේ දඹදිව වන්දනා චාරිකාවක් තුලින්. උන් වහන්සේ උපන් ස්ථානය, බුද්ධත්වයට පත්වූ ස්ථානය, ප්‍රථම ධර්ම දේශනාව කල ස්ථානය, පිරිනිවන් පෑ ස්ථානය ආදී තවත් මෙකි නොකී ස්ථාන නැරඹීම තුළිනුයි. ඔවුන් සිතනවා එවිට බුදුන් දැක්කා හා සමානයි කියල. නමුත් ඒ අයගෙන් බහුතරයක් දන්නේ නෑ බුදුන් දැකිය යුත්තේ ධර්මය තුලින් බව.
ධර්මය ගැන අවබෝධයෙන්, බුදුන් වහන්සේ ගේ ගුණ පිළිබඳව පැහැදීමෙන් ඇති වූ ශ්‍රද්ධාවෙන් යුක්තව ඉතාම ගෞරව භක්තියෙන් යුක්තව ශාරීරික චෛත්‍ය යෝ , පාරිභෝගික චෛත්‍ය යෝ, උද්දේසික චෛත්‍ය යෝ වන්දනා මාන කරන ශ්‍රාවක පිරිසකුත් සිටිනවා. එය ඉතා ඉහලින් අගය කලයුත්තක්. ඒ පිරිස ඉතාමත් ස්වල්පයයි. බහුතරයක් පිරිස ඔහේ කරන්නන් වාලේ අන්ධ භක්තියෙන් යුක්තවයි කටයුතු කරන්නේ.
බහුතරයක් වූ අන්ධ බාල පෘතග්ජනයින්ගේ ගොඩට නොවැටී , ධර්මය අසන, ධර්මය දරන, ධර්මයෙහි හැසිරෙන සෘතවත් ආර්ය ශ්‍රවකත්වයේ පිහිටා කටයුතු කිරීමට;
මේ ධර්ම දානය හේතු වේවා. !!!
හේතු වේවා. !!
හේතු වේවා. !
සුරේෂ් රොඩ්රිගෝ
යමෙක් නුවනින් ධර්මය දකීද, ( එනම් ධර්මය අවබෝධ කරයිද,) හෙතෙම මා දුටුවේ වෙයි.
යෝ මං ඵස්සති - සෝ ධම්මං ඵස්සති
යමෙක් නියමාකාරයෙන් මා දැක්කේ වේද - එසේනම් හෙතෙම ධර්මය ද දුටුවේ වෙයි.
බුදුන් වහන්සේ ලෝක සත්වයා කෙරෙහි අනුකම්පාවෙන් දේශනා කල ශ්‍රී සද්ධර්මය උන්වහන්සේගේ ගුරු තනතුරේ පවා තබාගනිමින් ලොවට දුන් ආදර්ශය වන්නේ ධර්මය නුවනින් අවබෝධ කරගැනීමේ ඇති වැදගත්කමයි. ඉහත දක්වා ඇති දේශනා පාඨය වක්කලී ස්වාමින් වහන්සේ අරබයා ලෝක සත්වයාගේ දැනගැනීම පිණිස බුදුන්වහන්සේ විසින් දේශනා කළා. මේ පාඨය අඩංගු වෙන්නේ සංයුක්ත නිකාය නම් වූ සුත්‍ර පිටක ග්‍රන්ථ රත්නයේ , ඛන්ධ සංයුක්තයේ , ථේර වග්ගයේ , වක්කලී සුත්‍රයේ යි. එහිදී බුදුන් වහන්සේ විසින් ඉතා පැහැදිලිව දේශනා කළා මේ කුණු ශරීරය පමණක් දැකුමෙන් කාටවත් පලක් නැති බව. බුදුන් වහන්සේව දකින්න අවශ්‍යනම් අප කලයුත්තේ උන්වහන්සේ විසින් දේශනා කල චතුරාර්ය සත්‍ය ධර්මය නුවනින් දැකීමයි. අවබෝධ කිරීමයි. බුදුන් වහන්සේ ව නියමාකාරයෙන් දකින කෙනා දකින්නේ ධර්මයයි. බුදුන් වහන්සේව නියමාකාරයෙන් දකිනවා කියන්නේ උන් වහන්සේව ගුණ වශයෙන් හඳුනාගෙන එක එක ගුණය පිළිබඳව අවබෝධයෙන් පැහැදීමට පත් වීමයි.
ඒ කියන්නේ ; අරහං, සම්මා සම්බුද්ධ, විජ්ජා චරණ සම්පන්න, සුගත, ලෝකවිදූ, පුරිස ධම්ම සාරථි, සත්තා දේව මනුස්සානං, බුද්ධෝ, භගවා යන මේ නව අරහාදී බුදුගුණ ඒවායේ අර්ථ සමඟ නුවනින් වටහා ගැනීමයි.
අප සමාජයේ බොහෝ පිරිසක් "ඉති පි සෝ භගවා" ගාථාව ඔහේ කියාගෙන යනවා. එකෙන් මොනවද කියන්නේ කියල අවබෝධයෙන් දැනගෙන කියන පිරිස හරි ම අඩුයි. බුදුන් වහන්සේගේ ගුණ විස්තර වශයෙන් හදාරන විට අපට හදාරන්න තියෙන්නේ ශ්‍රී සද්ධර්මය මයි. එක නිසයි උන්වහන්සේ දේශනා කලේ "යමෙක් මා දකීනම් හෙතෙම ධර්මය දුටුවේ වෙයි" කියල. එහෙම නැතුව බුදු පිළිමයක් දෙස හෝ ජීවමාන බුදු හිමියන් දෙස හෝ කොපමණ වෙලා බලා සිටියත් ධර්මය අවබෝධ වෙන්නේ නෑ. වක්කලී ස්වාමින් වහන්සේට උන්වහන්සේ දුන් අවවාදය එයයි. ඒ හරහා ලොවටම කියාදුන් පාඩම වන්නේ "ධර්මය දකින්න උත්සාහවත් වෙන්න" කියන එකයි.
බුදු පියාණන් වහන්සේ ජීවමානව වැඩ සිටින කාලයේ පවා උන් වහන්සේ තම ශ්‍රාවකයින්ට උපදෙස් දුන්නේ තමන් වහන්සේව දැකිය යුතු වන්නේ උන් වහන්සේ විසින් ලොවට දේශනා කල ශ්‍රී සද්ධර්මය තුලින්ම පමණක් බවයි. ධර්මාවබෝධය තුලින් තමන් වහන්සේව දකින ශ්‍රාවකයා තමන් වහන්සේගෙන් කොපමණ දුරකින් සිටියත් ඔහු තමන් වහන්සේ අසලින්ම සිටින්නකු බව උන්වහන්සේ දේශනා කළා. කෙනෙකු කොතරම් තමන් වහන්සේ අසලින්ම සිටියත්, නිරතුරුවම තමන් වහන්සේගේ සෙවනැල්ල මෙන් පසුපසින් පැමිණියා උනත්, ඔහු ධර්මාවබෝධය කරන්න උත්සාහ ගන්නේ නැත්තම් ඒසඳහා සිහිය, නුවන, වීර්ය යොදවා කැපවන්නේ නැත්තම් ඔහු තමන්වහන්සේ ගෙන් බොහෝ දුරස් බව බුදුන් වහන්සේ දේශනා කලා.
අද කාලයේ බොහෝ පිරිසක් දළදා මාලිගාව, දන්ත ධාතුන් වහන්සේ, රුවන් වැලි සෑය ආදී ස්ථූප, ශ්‍රී මහා බෝධීන් වහන්සේ, වෙනත් විවිධ ස්ථාන වල වැඩ හිඳින බෝධීන් වහන්සේලා, පිළිම වහන්සේලා, සර්වඥ ධාතුන් වහන්සේලා ආදී මෙකි නොකී සියලු පුජනිය, වන්දනීය ශාරීරික චෛත්‍ය, පාරිභෝගික චෛත්‍ය , උද්දේසික චෛත්‍යයෝ වන්දනාමාන කරන්නේ සැබවින්ම ශ්‍රද්ධාව පෙරටුකොටගෙන ද යනවග මහත් ප්‍රශ්නයකි. එය එසේ වන්නේ බොහෝ පිරිසක් බුදුන් වහන්සේව දකින්නට වෙර දරන්නේ ඉහත කි ස්ථාන වලට ගොස් ඉහලට අත් ඔසවා කරන හුදු වන්දනා මානවලින් පමණක් වීම නිසයි. ශාරීරික චෛත්‍ය, පාරිභෝගික චෛත්‍ය , උද්දේසික චෛත්‍යයෝ වන්දනා කිරීම උතුම් පුණ්‍ය ක්‍රියාවක් වන්නේ එය අවබෝධයෙන් කලොත් පමණයි. අනවබෝධයෙන් ඒවා දෙස බලා ගිරවෙක් මෙන් කටපාඩමෙන් ගාථා කියාගෙන ගියාට තමන්ගේ සසර දුකින් මිදීමට එය රුකුලක් වන්නේ නෑ. තවත් පිරිසක් බුදුන් වහන්සේව දකින්න උත්සාහ ගන්නේ දඹදිව වන්දනා චාරිකාවක් තුලින්. උන් වහන්සේ උපන් ස්ථානය, බුද්ධත්වයට පත්වූ ස්ථානය, ප්‍රථම ධර්ම දේශනාව කල ස්ථානය, පිරිනිවන් පෑ ස්ථානය ආදී තවත් මෙකි නොකී ස්ථාන නැරඹීම තුළිනුයි. ඔවුන් සිතනවා එවිට බුදුන් දැක්කා හා සමානයි කියල. නමුත් ඒ අයගෙන් බහුතරයක් දන්නේ නෑ බුදුන් දැකිය යුත්තේ ධර්මය තුලින් බව.
ධර්මය ගැන අවබෝධයෙන්, බුදුන් වහන්සේ ගේ ගුණ පිළිබඳව පැහැදීමෙන් ඇති වූ ශ්‍රද්ධාවෙන් යුක්තව ඉතාම ගෞරව භක්තියෙන් යුක්තව ශාරීරික චෛත්‍ය යෝ , පාරිභෝගික චෛත්‍ය යෝ, උද්දේසික චෛත්‍ය යෝ වන්දනා මාන කරන ශ්‍රාවක පිරිසකුත් සිටිනවා. එය ඉතා ඉහලින් අගය කලයුත්තක්. ඒ පිරිස ඉතාමත් ස්වල්පයයි. බහුතරයක් පිරිස ඔහේ කරන්නන් වාලේ අන්ධ භක්තියෙන් යුක්තවයි කටයුතු කරන්නේ.
බහුතරයක් වූ අන්ධ බාල පෘතග්ජනයින්ගේ ගොඩට නොවැටී , ධර්මය අසන, ධර්මය දරන, ධර්මයෙහි හැසිරෙන සෘතවත් ආර්ය ශ්‍රවකත්වයේ පිහිටා කටයුතු කිරීමට;
මේ ධර්ම දානය හේතු වේවා. !!!
හේතු වේවා. !!
හේතු වේවා. !
සුරේෂ් රොඩ්රිගෝ
No comments:
Post a Comment